پاکستان تحریک انصاف (پی ٹی آئی) کی رہنما عالیہ شہزاد کو سعودی عرب سے واپسی پر لاہور کے بین الاقوامی ہوائی اڈے پر 9 مئی کو ہونے والے تشدد سے متعلق کیس میں گرفتار کر لیا گیا ہے - جس میں پارٹی کے بانی عمران خان کی گرفتاری کے بعد فوجی تنصیبات پر حملے ہوئے تھے۔

تفصیلات کے مطابق پی ٹی آئی کی خاتون رہنما کو سرور روڈ تھانے میں درج مقدمے میں گرفتار کیا گیا۔ وہ 9 مئی کو توڑ پھوڑ کے معاملے میں پولیس کو مطلوب تھی۔

پولیس حکام نے علی شہزاد کو گرفتار کر کے مزید تفتیش کے لیے لٹن روڈ تھانے منتقل کر دیا۔

قبل ازیں، انسداد دہشت گردی کی عدالت (اے ٹی سی) نے 9 مئی کے واقعات اور دیگر سے متعلق چار مقدمات میں پاکستان تحریک انصاف (پی ٹی آئی) کے بانی عمران خان کی عبوری ضمانت کی توثیق کردی۔

عدالت نے زمان پارک کے باہر پولیس پر حملے، پی ٹی آئی کارکن زلے شاہ کے قتل، ماڈل ٹاؤن میں مسلم لیگ ن کے دفتر کو نذر آتش کرنے اور کلمہ چوک میں کنٹینر لگانے کے مقدمات میں عبوری ضمانت کی توثیق کر دی، 5 لاکھ روپے کے ضمانتی مچلکے جمع کرانے پر عدالت نے عبوری ضمانت منظور کر لی۔